A collection of Folk Theatre forms and performances such as Rammat, Khayal, Saang, Phad etc.
पन्नामारू, हड़ाऊ मेरी रम्मत, बीकानेर होळी
विवरण
हड़ाऊ मेरी री रम्मत बीकानेर रै बारह गवाड़ चौक में होळकां रै दिनां में होवण आळी मिनखां री रम्मत है। आ रात नै सरु होवै जिकी दिनुगै तांई चालै। आ रिकॉर्डिंग मार्च 2022 री करियोड़ी है। रम्मत एक लोक-नाटक कला है, जिणमें राजा हड़ाऊ अर राणी पद्मिनी रो संवाद है। राणी राजा रै साथै जावणी चावै, पण राजा मानै कोनी। इण भूमिका रै साथै मुख्य रूप सूं दोनां रो संवाद है। ओ संवाद नोंक-झोंक, तकरार, मनवार अर प्रेम सूं भरपूर है। इण रम्मत री सरुआत जवाहरलाल पुरोहित करी। रम्मत रा सगळा कलाकार स्थानीय होवै अर बै महीने पेला सूं इणरो अभ्यास करै, पुराणिया कलाकार, नवौडा़ नै सीखावै।
पन्नामारू गीत: काठा गेहूँ मालवे हे राज पड्या हो पिया के देस और आछा म्हाँने घणा लागे रस भरया हे राज मान्हैं छोड़ चल्या परदेस परदेस.... म्हारू मारा परदेस अरे मत जाय हिवड़े रे जिवड़ा परदेस अरे मति जाय म्हारू म्हारा परदेस अरे मति जाय हिवड़े रे जिवड़ा परदेस अरे मति जाय अरे फूल गुलाबी ओढणो सरे बिन ओढ्यो रंग जाए अरे फूल गुलाबी ओढणो सरे बिन ओढ्यो रंग जाए म्हारू म्हारा परदेस अरे मति जाय हिवड़े रे जिवड़ा परदेस अरे मति जाय म्हारू म्हारा परदेस अरे मति जाय हिवड़े रे जिवड़ा परदेस अरे मति जाय अरे काची कलियाँ नार.. हाथ लगायो कम्हलाये अरे काची कलियाँ नार.. हाथ लगायो कम्हलाये मारू म्हारा परदेस अरे मति जाय हिवड़े रे जिवड़ा परदेस अरे मति जाय म्हारू म्हारा परदेस अरे मति जाय
