लोक-सुर

विवरण

राजस्थान में होळी रै तिंवार रा गाम परगणे मांय घणा कलेवर है, न्यारे न्यारे तरीके रे फाग रा गीत अर न्यारे न्यारे तरीके रा गेर रा निरत। सब जग्यां री फाग आगती-पागती रै लोक दीठ नै जाणणै रो भी स्रोत है। गोडवाड़ खेतर रै सोनाणा-खेतळा जी मांय बीबळसर गांव रै मेघवाल समुदाय रै लोगां कान जी, वैल जी रै किस्सा माथै फाग प्रस्तुत करी। इण फाग रा मांय दरज विरतांत रै अनुसार कान जी, वैल जी भीनमाल परगणे रा डाकू हता, पैल तो छोटी-मोटी चोरी करतां पण अेक दिन रेल रे बाबू चोरी रो मैणो देय टिकट देवण सूं मना कर दियो, जणै उवां रेल लूट ली। रेल लूट वा लोग सुंधा माता रा दरशन कर आधी धाडी सुंधा माता मन्दर मां चढा दीवी। इण किस्से रो आज भी बखाण आपा नै गोड़वाड़ रै फाग मां सुणण नै मिले।