कुण हिंदू कुण मुसळमाण किण ही कुळ हंदा।
कुण खित्री कुण ब्राहमण चत्रबेद पढंदा॥
विणज वसावै वैस कुण कुण सुद्र कहंदा।
दुनियांदार फकीर कुण कुंण खूंद मसंदा॥
उत्तम मद्धिम कुण गुलाम कुण असली जद्दा।
कुण बूढा कुण तरुण बाळ कुण पीर रहद्दा॥
खूब कमाई खांवंदा चंगा कुण मंदा।
अलख भंडारा अबट है किस बंट न हंदा॥
जिन्हां सतगुर भेटिया धन बखत तिनंदा।
सांई सेती सुरखरू दिल पाक तिंणदा॥
जाळंदा पंचै अगनि अजपा जप यंदा।
अजर जरंदा नाद बिंद बस सूरज चंदा॥
सुरत निरति संभाळिया हदिथी बेहंदा।
राता रहै सबद्द सूं मन सूं झूझंदा॥
खांडै हंदी धार सिर हुसियार चलंदा।
अलह गजा मैदान दी कोई सूर लहंदा॥
