गैलै बहता गुड़ पड़्या, अैलै अमली आप।
लै लै करतां लागिगौ, पैलै भव रौ पाप॥
ताकत डोलै तीसरा, साथरवाड़ा सोद।
पैलां घर पटकी पड़ै, माखां रै मन मोद॥
तीस बरस कुसती करी, पड़ गुड़ उथल पथल्ल।
तैं दीधो गोडां तळै, अइयो मींत अमल्ल॥
अमल उगावै अंग में, निपट घुळावै नैंण।
आंडांनैं बैठा अपत, डचिया घालै डैंण॥
समळ हुवा कपड़ा सकळ, भमळ हुवो घट भंग।
कमळ बदन कुम्हळायगो, अमल खायगो अंग॥
मैलै ऊपरै माखियां, गणणाटा लै गैल।
हैंकड कठी नैं हालिया, डबी खळींगण डैंल॥
