नींद कै ताईं
रुकमणी की नाईं
उचाट'र,
ले ग्यो हंसा ज्यूं उड़ा'र,
देखतां देखतां ई
जस्यां आंख्यां में सूं
काजळ खाढ ल्यो छो
कान्हा नै,
म्हारी आंख्यां की
परिधि सूं खड'र,
कोसां दूर ताईं
थांरी पलकां का
चादरां नै ओढ़'र
सरडां-सरडां
सो री छै म्हारी नींद...
सुण!
तूं थोड़ो तो चेत
अस्यां कस्यां खड्गी
जिंदगाणी की
सारी की सारी रातां
अस्यो बी काईं
कह ग्यो तूं,
नींद का कानां में
जो थांरी लारां ई होगी
थन्हैं ज्यों चावै वाई ले
पण दिनं को चैन,
अर राता की नींद
पाछी दे जा रे।
तूं तो कृष्ण सूं बी
ज्यादा बड़ो छळियो
खड़ग्यो।
छळिया..!
