म्हैं बीरा परदेसां बसूं।
पण राखी आ बांध सूं॥
सौ कोसां सूं आसूं म्हारा भाई।
थारी सूनीं नीँ रैवैली कळाई॥
राखी रक्षा रो बंधन है बीरा।
आंख्यां फाड़ उडीकूं हूं बीरा॥
राखी तो धागां रो त्यूंहार है।
बहन-भाई रो अटूट प्यार है॥
पीवरीयै री गळियां म्हांनै उडीकै।
थारी बैनां राखी पुन्नू नै उडीकै॥
रेश्म रै धागां सूं ज्यूं बंध्यो।
पावन पर्व मे विश्वास बंध्यो॥
दोरी पड़ै जद तूं बीरा बणै ढाल।
थारी बैना राखी बांधै हर साल॥
