मोट्यार तो मोट्यार है
मोट्यार मैणत री आस जगाय देवै।
मोट्यार मुसीबतां नै धूळ बणाय देवै।
मोट्यार दुख रा सूल उड़ाय देवै।
मोट्यार भाखर री चूळ हिलाय देवै।
मोट्यार हथेळियां फूल उगाय देवै।
मोट्यारां सागै हरमेस ओ हाको।
मोट्यारां नै कदैई कम मत आंको।
मोट्यार तो मोट्यार है
मोट्यार बुझता दीप जळाय देवै।
मोट्यार जग नै फूंक उड़ाय देवै।
मोट्यार अबखा काज सबळ देवै।
मोट्यार देस रो आज बदळ देवै।
मोट्यार करमां री साज बदळ देवै।
मोट्यार बखत री आवाज बदळ देवै।
