हूंस री पांख
अर मैं हो
सैर सूं गांव मांय।
प्रवास सोचतो
सिर पुचकारती मां
पूछैली खोद खोद’र
म्हावळै
दुःख-दरद रो हिसाब।
बिछोह रै दर्द मैं
धूज जावैळी
बापू री आवाज कै
बेटा थूं बिन
आधो-अधूरो छूं मैं
इब अठै ई राह
घर गांव में।
भाई सूं गलबटियां
राम-भरत सो मिलाप
विछोह रो जिकरो होसी
जजबात में।
आसुंवां रो बांध थामती
रोवणै आई भैण रा
मुश्किल ई पूटै बोल।
पण यो के?
बणिक रिश्ता
उछाह सूं
सै री पेई खोलता
अेक अेक चीज टटोळता
उळझग्या
म्हारलै
आदम अर खरच रा
हिसाब में।
