धूळा भाई नूं सब वखराई ग्यू
कतराक दाड़ा बांधी नै राखतौ मूठी
घणू कीधू कै उघाड़ न्हें पड़ै
पण पड़ी'ज गई
हुं करतौ
बुसट नै बटण लगावै
तौ नाकं ढीलं पड़ैं
अर नाकं काटं करै
तौ बुसट फाटी जायै
अैक आड़ै थीगडू लगावै
तौ बीजी जगा फाटै
अेंम करतै करतै
बुसट तौ थीगडू थ्यू
अर थीगडै बुसट नी जगा लीधी
ई भी कतरा'क दन हैर्तू
उधार लीधी चीज
जमारौ तौ न्हें काड़ी सकै
अर कतरू भी करी लौ भाई सा'ब
बगल लाकड़ी पौग न्हें बणी सकै
अर छैवट
धूळौ भाई
धूळा भैलौ थई ग्यौ।
