देस री रजधानी सूं
गांवां रा कूणां कूणां में,
छोटा बड़ा जनसेव्यां रा,
भाषणां रा भोजन,
सुणबां में
अस्या रुपालां
मीठा र सुवाद लागै, कै
ज्यांन सुणतां सुणतां ही
खाली पेटां री भूख भागै
पण भाषणां री बातां न
पूरी होबा री आसलिया
उतावली सूं
ज्यूं ज्यूं बाट झांका,
झांक झांक र थाकां,
गहरी निसांसा नांका,
अर हारया सिपाई ज्यूं
हताश हो र बैठां तो
अनजानी अवाज उठै
अरे बावळा—
जतरी बड़ी दुकान—उतरा ही फीका पकवान।
