डांण ठेलै तूं मातंगां भड़ां डाचरा उबाड़ डाकी,
मूंछां तांण पैलै तूं कंपनी गंजै माल।
काट थाणो रेळै तूं स्त्रयणां जमी जोस खाथै,
खसतो खपांणां माथै झेलै तूं खुसाल॥
जिकां जिकां ओद्रावा पडतां लारै जेण लागी,
तिकां तिकां कायरां करेण लागी ताय।
राजा रौ कड़ूबो है कंपियो लारै जेण लागी,
आउवै नाथ रै चूंबे देण लागी आय॥
आछा आछा..आछा आछा..आछा आछा..
पाछा पाछा भूपती देण लागा पांव।
दूजा वीर काळ रै सुभाव खुसाल रै देखै,
गाजै रिड़माल रै अगंजी गाढ़ेराव॥
मेवाड़ ढूंढ़ाड़ ज्योंहीं हाड़ौती मालवो मोलौ,
दोळां काल चक्र सो किणी न आवै दाय।
झाले किसौ तो विनां पयाळ जाती काळ झांप,
लाडली पंगुळी चांपा अंगुळी लगाय॥
