आवो म्हारे हिवड़े जड्या मूं पग-पग फूलड़ वेरावूं
म्हारा हइया ना दईव सुणो, हरख-हरख तमने वधावूं
डेरे-डेरे दीवा मेलूं ने हादे दाड़े तेवार करूं
गुलाबजामुन मावा कतली केवा-केवा पकवान पीरूं
मन गमती म्हारा ने व्हाला के रंग रंगी रंगोली मंडावूं,
म्हारा हइया ना दईव सुणो...
आब भराया तारा जेटली म्हारा मन नी वातें हैं रे
आवो तारे हमरावूं के केवी निकरी रातें हैं
वदमण करूं रे वल्लभ कि होना मय ना ढोलीया ढरावूं,
म्हारा हइया ना दईव सुणो...
होरी आवी आवी दीवारी मन पण ने मूंझायू
ऊनारा ना रूकड़ा जेम म्हारूं मनडू हूकायू
अणे बसंते आवी जो भरतार डारे-डारे झूलड़ा बंधावूं,
म्हारा हइया ना दईव सुणो...
मेवाड़ी नी मेहंदी गोती जयपुर वारी चूनर ओढ़ी
सणगार सजीने बैठी गोखड़े आवी जोने दौड़ी-दौड़ी
रंग रंगा मोतीड़ जड़ेली जोधपूरी पाग पहरावूं, म्हारा
हइया ना दईव सुणो...
