इसा वीर वीराध व्है जिकै भुगतै इळा,
दहलां दिली धर पडै दिहाडी।
है खुरां अनै धारा मयणहर,
प्रिथी सारी अखा भोग पाड़ी॥
नांखिया तुरंगां डांखियां नाहरां,
उबारणां खड़ां प्रचड़ा उवारू।
थाळ रा नीर ज्यूं माळवौ थरहरै,
मेदनी हाथ की राव मारू॥
धजवडां अनै घोड़ां भडां धूपटी
फिरिया पतिसाह जाणी।
अधपति अळगा गया जिण वासतै
अखा धरती भली करग आणी॥
वाकडां रावतां ताकडां ब्रहासी
लडे लोहातणा बोह लेणा।
अनोखौ वीर जोधा घर ऊपनौ
रयण रा वर दियौ तूझ रेणा॥
