सरदारां हूंत भलेरा सांमी, वांमी वेद विरत रा वींद।
तुररां सूं आबा झटतारां, पागां हूंत भली कोपींद।
रह्यो न रोक मही पंचरंगां, वीज झाट तणां लख वाढ।
मंडिया राड़ विचै गिर-मेरू, गेरू मांय रह्यौ हद गाढ़।
अंब लियां भसमी धरवाळा, जटावाळा आवण भड़काय।
वीखरिया मूंछां वटवाळा, जटावाळा लड़िया खट जाय।
कायर गत माता कोटांरा, धूणीपत लड़िया खगधार।
बिरदां पांण लियां रंग बाबा, वणियां घोर समर जिण वार।
साची वात कहै जद सुकवी, राह बिच मांय करौ मत रीस।
उतबंग बळ स्यालां थां आळा, सिर रँडमाळा सांम्यां सीस॥
