लीधा खगेस नंनेस हंस गज बाज म्रगलीधा,
मूसो मोर लीधा सकूं पेवू स्वान मैक।
पालखी बिवांण रथूं चितूं मिन्नूं सूर पठूं,
बाहण मेकूं अठारूं ले चलै चंडी बैंक।
सातधंकें तमे लीळंग दन्ती हय सारंगी साथ,
ऊंदर केकी तोता चात्रंग भूसै सीसा ओळ।
सुब्बे बोम चल्ले धूरे मन्नूं मंजर ब्राह सिंघ,
हाकलै नो दूंण हेकां भवानी हारौळ।
कासपी भ्रकेस चक्रंग गहीर तुरंग कुरंग
काबा कुंभी कीर बब्बे, लाहोरी काळेस।
डंडी सुरंग हींडोपैड़ें दिल्लू बिल्लूं सूक्र डंकी
दसे नो दाकलै मुखां ईसरी दनेस।
तारख सांडेस मुराळ नाग हय बाता तेज।
झोमंखी कळापी चंची बूंदी खरू झोट।
काडोळी प्रेसती खोळी लहरी लिक्का क्रोड कंठी
उभय दूंण नो खटां बकारै देवी ओट।
चढे प्रभू भीम ध्राता सक्र भांण सोम चढ़े,
सूंडा स्याम बैद मेघ भैरूं ध्रम्म सोध।
धनंदू तम्मरूं पर्या बात दैत भद्रधोमी,
आप मध्य जोगमाया सादूळै आरोध।
संत सिद्धां नाथ रिक्खां नच्छर ग्रह तारा सेत,
निज जत्यां जड़ी माळा बीरां जमां नाद।
कोस बागां रागां हवा भूचर खैचर गणा कुंच,
जोगण्यां साकण्यां डाक बह माजी जुगाद।
नमांमी सुजाप बेद चंवर जोत सार निधी,
विद्या ध्यान बैदंगी छिड़क्का पांव बंद।
सुबीढी द्रवलै जस नाच झाडू साक सूळा,
हाजरी सगत्ती आगै ऊभा भेंट हंद।
आप आप औधो ले खमां सूं पांण जोड़ आखै,
जय मां अजूनी देव दाखै राखै जाप।
संकर पै अठार भुजा धारज्यो सुभ निजर सूधां,
अेतां सूं अबीढी चाल पधारज्यो आप।
