जय-जय राजस्थान म्हारा, जय-जय राजस्थान!
नागपहाड़ सा पर्वत म्हारा, पुष्कर तीर्थराज
पद्मणी कौ जोहर म्हारै, सांगा की तलवार।
जय-जय राजस्थान म्हारा, जय-जय राजस्थान!
संत शिरामेणी मीरां म्हारै, भामाशाह सो दानी
चेतक सरीका घुड़ला म्हारै, हल्दीघाटी धाम।
जय-जय राजस्थान म्हारा, जय-जय राजस्थान!
घास की रोटी राणा खाई, राखी कुळ की आण
पन्नाधाय सेविका देदी, बेटै रौ बलिदान।
जय-जय राजस्थान म्हारा, जय-जय राजस्थान!
डोला मारू प्रेम कहाणी, सुण'र मन हरखावै
हाड़ी राणी री सैनाणी, दे दी अंख्यां खोल।
जय-जय राजस्थान म्हारा, जय-जय राजस्थान!
काचर बोर मतीरा निपजै, कोड्यांळी ज्वार
रंग रंगीला मेळा खेळा, धजा उड़ाता लोग।
जय-जय राजस्थान म्हारा, जय-जय राजस्थान!
सिक्या चणां अर डोर लोट्यौ, लेकर निकळ्या लोग
मेहनत अर सच्चाई इज्जत, पाई चारू मेर।
जय-जय राजस्थान म्हारा, जय-जय राजस्थान!
